始終水魚都走不出泡菜的魔掌，而食開又有舖癮
唔食又好似爭緊少少o野，無得食果一日就唔得完滿
下下出去買好味o既泡菜又遠又貴，100g要成＄20蚊呀（都唔夠我攝牙隙啦）

倒不如自已整啦，第一次整就成功喇，但上次整得少好快就食哂囉，今次第二次就要整多d喇（呵～～以後真係可以慳番唔少呀

）

好喇～今次就教教大家整個大白菜泡菜先啦，即係高麗菜喔
大白菜泡菜係韓國中最受歡迎o既泡菜之一，差不是多榜首
而係香港買到o既韓國大白菜不難，去到尖沙咀o既韓國街就可以喇，但價錢都比較貴
不過大家都可以用來自大陸o既娃娃菜啦，當然口感會差一點點，不是一點點啦，真係不是太好吃
水魚今次就會用台灣的大白菜，正常一棵大將係＄20蚊，大型的超市都會買得到，而其他材料都可以係韓國街o既店舖都買得到

材料：
大白菜 1棵（水魚這一棵都差不多有1KG了）
薑（切碎）1隻
蒜（切碎）2個（千萬唔好諗住用d好懶o既方法，用現成的蒜蓉，玻璃樽裝的蒜蓉有油，做唔到發酵之餘仲會將泡菜變臭的）
大蔥一扎
韮菜一扎
鹽 3湯匙
白糖 2湯匙
辣椒粉 5湯匙
魚露 5湯匙（魚露一定要落，有助帶出味道）
蝦醬 3湯匙（原先想買韓國的，但時間關係買不到呢）
糯米水（用2湯匙糯米粉＋ 100ml水煮至杰身）

水魚最近買o左個蒜蓉器～～超方便的呢

好似一架車仔咁，只要將已去皮的蒜頭放入車仔入面，再碌幾下就完成囉～唔使整到成隻手都係蒜蓉味～～呢陣味幾日都洗唔甩呀

做法：
Step 1：先將大白菜劈開一半，一定要直切，盡量不要每菜葉散開，再洗乾淨
Step 2：快速用熱水飛一飛水
Step 3：用鹽逐層逐層咁搽得均勻，好似做mask咁，搽多多都無有怕，之後就用鹽水浸過大白菜，再用重物壓好，放大約6～8粒鐘（水魚就是晚上整，就放過夜囉）
Step 4：第2日之後可以測試大白菜o既軟硬程度，如果屈起唔斷的話就ok喇，如果一屈就斷的話就放回鹽水中多幾個粒鐘啦
Step 5：拎起大白菜再用凍水沖一沖，沖走鹽份，如果唔沖走dd，食落就會好鹹o架喇，再放係隔水籃中瀝乾水份

Step 6：之後就將其他醃料放於碗中溝好，如果見醃料太杰身的話可以加多一點魚露，或加多一點糯米水，千萬不要直接用水開稀，因為會溝淡泡菜的味道，重頭戲o黎喇，好多女仔自製完泡菜點解會咁多水，同平時食開o既唔同呢？

當然啦～～所有蔬菜都會出水嘛～

水魚小貼士：韓國阿豬媽自製泡菜秘訣：就在於“糯米水”，糯米水可以將醃料有效咁黏附係菜葉之間，而且糯米水有吸水作用，因為係發酵過程中，大白菜會不停滲出水份，所以先會整到又淡又多水，所以記緊“糯米水”係唔可以漏，之後就將醃料由內至外逐層逐層咁搽係大白菜葉中，這個秘技嘛，網上的食譜是沒有的，水魚的秘技不隨便外傳啦

Step 7：之後就可以逐層的塗上醃料，搽好大白菜之後就可以放係一個密封o既容器入面，放係室溫一日，一整完又或者係太早放入雪櫃會入唔到味，所以一定要係室溫放一日先，當然放多一日就更好啦，之後就可以放係雪櫃喇，如果想酸味多一點，就可以放於室溫發酵耐一點，自已控制啦

見到咁大罐o既自製泡菜真係勁滿足呀，見到已經好想食喇

如果下次整想方便一點，可以先自行切件再醃的話就更好了，但水魚就比較喜歡原棵上

如果平時係屋企有食唔哂o既蔬菜，就可以用o黎泡菜啦，當然不是菜心芥蘭啦，一般的菠菜／青瓜／白蘿蔔都可以
又唔會浪費又環保

做好的泡菜可以放係雪櫃，水魚整呢一款泡菜屬於新鮮泡菜，只係經過一日發酵
由做起計第3日就可以食o架喇，第3日o既泡菜係最好味o架
大約可以放一個星期左右

新鮮泡菜可以做到咩？平時水魚用o黎送飯都已經好正，食到2碗飯
不過水魚出得文又點會咁簡單呢

（呵～～～～）
之前已經教過大家整韓式泡菜豆腐鍋，今次呢個係海鮮豆腐湯鍋，煮法及次序都沒有變，只是加上海鮮
材料：
濃湯寶 1粒
韓式辣醬 3湯匙
韓式辣椒粉 2湯匙
日本麵豉醬 2湯匙
泡菜 1／3 （隨自已喜歡，如果想吃多一些就落多一些吧）
蒜蓉 1茶匙
豆腐 1包
鮮冬菇 1包
鮮墨魚 1隻
娃娃菜 1棵