水魚廚房之 教你30分鐘整好輕便2人西餐

YOYOYO～～大家有睇過水魚篇ArtJam文嘛

＊影音仿妝＊仿出氣質書卷味 變身文藝女生畫油畫

還記得水魚提到的到會嗎？不是講笑，真係超有水準超好味
水魚同水魚佬返到屋企都係勁回味
特別係個南瓜芝士焗四蔬，同埋個白汁芝士三文魚意粉
唔係講笑，諗起都想食呀
但2條友仔又無可能訂個到會返屋企食，最少要訂3磅wow，點會食得哂呀
無可辦法之下，當然都係靠水魚自製啦～
水魚出名在食過之後都可以整到有九成似，整o野食之嘛，小兒科啦～～

而且今次真係整得勁好食，所以今日不得不出文

同埋呢2款菜係超方便同易整，如果有時返到屋企唔知煮咩又想快的話，就整呢個啦
30分鐘之內包搞掂

咁先整個意粉先啦

材料：2人份量
意粉 1／4包
三文魚柳 一大塊（除自已如果想食多d三文魚就一大塊啦，食少少的話半塊就可以囉，但水魚今次買唔到三文魚柳，就買o左三文魚腩邊，油脂比較多，亦都比較香口，而且一包包急凍係百佳都買得到，好方便）
新鮮白磨菇 5粒

汁料：
雞湯 半包
忌廉 半包
芝士 2片

事前準備：
1）先將意粉放入煲煮8分鐘，再焗8分鐘，完成後撈起瀝乾水份（其實真係唔使過冷河，過o左冷河會將意粉表面d滑滑質感沖走，之後d汁就黏附唔到係意粉上面o架喇）
2）磨菇洗淨切片，之後再飛水
3）三文魚要洗淨去鱗，再用少許鹽同胡椒粉醃3分鐘，之後落鑊煎至兩面金黃，再取出備用

做法：
1）先用2湯匙油落鑊，之後爆香磨菇，最少炒到乾身就係最好味，炒得愈乾可以去除草青味
2）再放入已煎好的三文魚炒一炒
3）加入半包雞湯，待滾，呢個步驟可以煮2～3分鐘，因為要將個三文魚味帶入個汁度
4）再放入半包忌廉及鹽，兜勻
5）滾後就可以放入2片芝士，整溶芝士之後兜勻

6）先將意粉放於碟上，再放上三文魚白汁，最後放上黑胡椒碎即可

P.S. 好多sis都會用現成一包包的意粉汁，但水魚就鍾意自已調較，好味d，而且現成汁份量都好少，2個人食都用到3包，唔係好抵，所以自己整好過啦

之後就係另一至愛，南瓜芝士燴三蔬
原先呢係ArtJam食果個係南瓜芝士焗四蔬，但水魚屋企無焗爐，所以燴都可以，一樣咁好味

材料：
西蘭花 1個（小）
椰菜花 1個（小）
金菇 1包
南瓜 1／8個

汁料：
雞湯 半包
忌廉 半包
芝士 1片

事前準備：

1）先將西蘭花及椰菜花洗淨切塊，再放入滾水中飛水，再瀝乾水份，待用

2）南瓜去皮去籽，切粒再蒸10分鐘（市面上有罐頭裝的南瓜蓉，但貴到飛天，所以水魚寧願自已整，整好可以放入食物盒放入冰格，可以保存到一個星期，想用就解凍都好方便，水魚慣o左一整就整多少少，因為南瓜可塑性高，整菜又得，煮糖水又得，鹹又得甜又得，得o左）

3）蒸好之後多餘的水份不用倒掉，再壓成蓉，備用

做法：

1）落1湯匙油燒熱隻鑊

2）放入西蘭花及椰菜花兜勻，再放入金菇炒至微微軟身

3）倒入半包雞湯，輕煮3分鐘煮至蔬菜軟身

4）再放南瓜蓉兜好，最後放入半包忌廉及芝士及鹽，待煮滾

5）如果發覺水份太多（因為蔬菜煮後會出水o既）咁就可以打個生粉水，將汁煮至杰身即可，搞掂

呢2個菜同意粉真係超快超方便

登。。。登。。。登。。。。。登

完成了

係咪好正呢～～～d汁真係會掛係意粉表面，唔會滑走，呢個唔關乎係汁稀定杰，而係意粉表面果層滑嘟嘟o既物質）

跟上次Workshop食到o既有95﹪似，堅堅堅堅係好食（呢句唔係我講，係水魚佬講o既，比起用現成汁真係無得比，呢個係堅好食得多）

而個磨菇就愈煮得愈乾身就愈有菇味，如果煮得唔乾磨菇太多水份就會愈食到草青味

真係食過番尋味～～唔係自已讚自已

好～再來個南瓜燴三蔬

因為原先西蘭花同椰菜花已經飛水，所以唔使煮得太耐，太耐就會太過軟身唔得爽，食蔬菜爽爽地先好食

呢個南瓜白汁同西蘭花同椰菜花真係超夾，成日食葡汁係時候要轉轉啦，如果想食到有南瓜質感就唔好壓得太碎，或者係壓一半蓉另一半就唔壓，就可以食到南瓜果種絲絲的質感

同上次workshop比呢個有100﹪相似，哇～～下次都係自已整喇，平好多（但水魚啋你都傻，哈哈哈）

如果屋企有焗爐的話，芝士就要抽出，煮好之後放入焗盤放芝士於面，放入焗爐高火力焗3分鐘就可以囉～焗出來o既就會係比較香濃同乾身

超。。。超。。。超滿足o既一餐呀，真係好好食呀

水魚佬好勁清哂成碟

唔好以為細細碟會唔飽，個汁真係堅膩，好快就會飽肚

我都食淨o左d三文魚～～

超級滿足中～～～而且一d都唔難整，有興趣o既美眉可以試試哦，十級容易

而呢個食譜其實我係為Alice而設啦～～～因為上次見佢都好鍾意食呢2款菜

我記得o架，另一個楊枝甘露糕正在研究當中

Alice～～～～你係咪睇緊我篇文呢～

係o既話～～～你要拉落少少留意喇

有一句說話我想同你講好耐喇

死婆學下煮o野食啦